• తాజా వార్తలు
  •  

ఫోటో లు తీయడం ద్వారా మానవ అక్రమ రవాణా ను అరికట్టగలిగే యాప్

నేడు ప్రపంచం లో మానవాళి ఎదుర్కొంటున్న అతి పెద్ద సమస్యల్లో మానవ అక్రమ రవాణా ఒకటి. బానిసత్వానికి ఆధునిక రూపం గా దీనిని చెప్పుకోవచ్చు. ముఖ్యం గా అమెరికా సంయుక్త రాష్ట్రాల్లో అయితే ఈ సమస్య ఒక పెనుభూతంగా మారింది. టెక్సాస్ మరియు కాలిఫోర్నియా లలో దీని వ్యాప్తి ఎక్కువగా ఉంది. ఏటా సుమారు 17,500 మంది ఈ కూపం లో చిక్కున్తున్నట్లు అమెరికా అధికార వర్గాలు చేబుత్న్నాయి. కానీ ఈ లెక్క ఇంతకంటే ఎక్కువగానే ఉండవచ్చు. బాధితులంతా అమెరికన్లు, విదేశీయులూ, పురుషులు, మహిళలు, టీనేజర్లు ఇలా అన్ని వర్గాలకు చెందినా వారు ఉన్నారంటే దీని తీవ్రత ఎ స్థాయి లో ఉందొ అర్థం చేసుకోవచ్చు.  ఈ మానవ రవాణాను ఉపయోగించి జరుగుతున్న అత్యంత హేయమైన అంశం లైంగిక వ్యాపారం. అమెరికా లో ఈ లైంగిక వ్యాపారం తీవ్ర స్థాయి లో ఉంది.

స్మార్ట్ ఫోన్ ను ఉపయోగించి ఈ లైంగిక వ్యాపారానికి వ్యతిరేకంగా పోరాడేలా ఒక యాప్ రూపొందింది. ఈ యాప్ పేరు ట్రాఫిక్ క్యాం సాధారణంగా ఈ లైంగిక వ్యాపార బాధితులు స్టార్ హోటల్ ల లో ఉంటారు. హోటల్ రూమ్ లు మరియు వాటి పరిసరాల్లో ఈ లైంగిక వ్యాపారం జరుగుతున్న ఆనవాళ్ళు ఏమైనా  కనిపిస్తే  వెంటనే మీ స్మార్ట్ ఫోన్ లో దానిని ఫోటో తీసి ఈ యాప్ లో అప్ డేట్ చేస్తే చాలు, అధికార వర్గాలు మిగతా పని చూసుకుంటాయి. మొత్తం లక్షా యాభై వేల ఫోటో లు అప్పటికే ఈ యాప్ లో అప్ లోడ్ చేయబడి ఉంటాయి. మనం మన స్మార్ట్ ఫోన్ లో ఫోటో తీసిన వెంటనే ఈ యాప్ ఆ ఫోటో లను మ్యాచ్ చేసి చూస్తుంది.గత సంవత్సరం మొత్తం సుమారు 4000  కంటే ఎక్కువ ఇలాంటి కేసులు నమోదు అయినట్లు నేషనల్ హ్యూమన్ ట్రాఫికింగ్ రిసోర్స్ సెంటర్ వర్గాలు వెల్లడించాయి. ఈ లైంగిక వ్యాపారం లో ఎంతమంది మైనర్ బాలలు ఉన్నారనేది అమెరికా న్యాయ శాఖ కూడా చెప్పలేకపోతుంది.

ఈ ట్రాఫిక్ క్యాం అనే యాప్ వినియోగదారులను ఫోటో లు తీయలసిండిగా అడుగుతుంది. ఈ ఫోటో లను జత పరచి చూస్తుంది. ఆ తర్వాత వాతి౮ని అమెరికా ప్రభుత్వానికి నివేదిస్తుంది. అయితే అమెరికా లోని కొన్ని ప్రాంతాల్లో మాత్రమే ఈ యాప్ ను ఉపయోగిస్తున్నారు. దీనిపై విస్తృత ప్రచారం జరగవలసిన అవసరం ఉంది.

 

జన రంజకమైన వార్తలు