పేటీఎంలో లాయల్టీ పాయింట్లు సంపాదించ‌డం, రిడీమ్, యాక్సెప్ట్ చేయ‌డానికి గైడ్
- మార్గదర్శిని ( గైడ్ ) / - 6 సంవత్సరాల క్రితం /
డీమానిటైజేష‌న్‌తో ఇండియా మొత్తానికి ప‌రిచ‌య‌మైపోయిన పేటీఎం ఇప్పుడు కొత్త‌గా లాయల్టీ పాయింట్స్ సిస్ట‌మ్‌ను తీసుకొచ్చింది. దీనిలో పాయింట్స్ ఎలా సంపాదించుకోవాలి? వాటిని ఎలా రిడీమ్ చేసుకోవాలి? లేదంటే వాటిని బ్యాంక్ అకౌంట్‌లోకి ఎలా విత్ డ్రా చేసుకోవాలో తెలియ‌జెప్ప‌డానికే ఈ ఆర్టిక‌ల్‌. చదివేయండి మ‌రి..
లాయల్టీ పాయింట్స్ అంటే?
ఇది కూడా క్యాష్ బ్యాక్‌లాంటిదే. ఏదైనా ట్రాన్సాక్ష‌న్ చేస్తున్న‌ప్పుడు ప్రోమోకోడ్ అప్ల‌య్ చేస్తారు క‌దా. అప్పుడు వ‌చ్చే మ‌నీ ఈ లాయల్టీ పాయింట్స్ రూపంలో మీ వాలెట్‌లో యాడ్ అవుతుంది. ఒక పాయింట్ ఒక రూపాయికి స‌మానం. క్రెడిట్ కార్డు, డెబిట్ కార్డులు వాడుతున్న‌ప్పుడు ఇస్తున్న పాయింట్ల‌లా అన్న‌మాట.
ఎలా సంపాదించాలి?
* పేటీఎం యాప్ లేదా వెబ్‌సైట్‌లోకి వెళ్లండి.
* ఆఫ‌ర్ పిరియ‌డ్‌లో ట్రాన్సాక్ష‌న్ చేయండి లేదంటే ప్రోమో కోడ్‌ను అప్ల‌యి చేయండి.
* ట్రాన్సాక్ష‌న్ కంప్లీట్ చేయండి. వెంట‌నే మీకు లాయల్టీ పాయింట్స్ యాడ్ అవుతాయి.
ఎలా రిడీమ్ చేసుకోవాలి?
మీరు త‌ర్వాత ట్రాన్సాక్ష‌న్ చేసేట‌ప్పుడు చెక్ అవుట్ పేజీలో పాయింట్స్‌ను సెలెక్ట్ చేసి రిడీమ్ చేసుకోవ‌చ్చు.
* మీ పాయింట్ల మొత్తాన్ని ఒకేసారి రిడీమ్ చేసుకోవ‌చ్చు. మినిమం ఇంత ట్రాన్సాక్ష‌న్ చేయాల‌ని లిమిట్ లేదు.
* స్కాన్ అండ్ పే ద్వారా రిడీమ్ చేసుకోవ‌చ్చు. బ‌స్ టికెట్స్‌, సినిమా టికెట్స్‌, ప‌ర్చేజ్‌లు ఇలా పేటీఎంలో ఏ ట్రాన్సాక్ష‌న్‌కైనా వాడుకోవ‌చ్చు.
ఇదీ ష‌ర‌తు
* మీ రెగ్యుల‌ర్ క్యాష్ బ్యాక్‌లో వ‌చ్చే మ‌నీని బ్యాంక్ అకౌంట్‌కు ట్రాన్స్‌ఫ‌ర్ చేసుకోవ‌చ్చు. వేరే పేటీఎం అకౌంట్‌కు ట్రాన్స్‌ఫ‌ర్ చేయొచ్చు. కానీ ఈ లాయల్టీ పాయింట్ల‌ను అలా ట్రాన్స్‌ఫ‌ర్ చేయ‌లేం. రెగ్యుల‌ర్ క్యాష్‌బ్యాక్‌కి, దీనికి ఉన్న ప్ర‌ధాన‌మైన తేడా ఇదే.
