• టెలికం /
• 6 సంవత్సరాల క్రితం /

ఎయిర్‌సెల్ నెట్‌వ‌ర్క్ త‌మిళ‌నాడు, దాని చుట్టుప‌క్క‌ల ప్రాంతాల్లో బాగుంటుంది. కొన్నిచోట్ల ఎయిర్‌టెల్ నెట్‌వ‌ర్క్ బాగా వ‌స్తే మ‌రికొన్ని చోట్ల జియో సూప‌ర్‌గా ప‌ని చేస్తుంది. అలాగే కొన్ని రూర‌ల్ ఏరియాల్లో ఇప్ప‌టికీ బీఎస్ఎన్ ఎల్ క‌వ‌రేజి బాగుండొచ్చు. కానీ ఏ ఏరియాలో ఏ నెట్‌వ‌ర్క్ బాగుందో వాడితేనేగానీ తెలియ‌దు. అలాంటి ఇబ్బంది లేకుండా ఏ ఏరియాలో ఏ నెట్‌వ‌ర్క్ బాగా ప‌ని చేస్తుందో చెప్ప‌డానికి టిక్‌టిక్ (tiktik ) అనే యాప్ వ‌చ్చింది.

ఏమిటీ యాప్‌

ఎయిర్‌టెల్ మార్కెటింగ్ హెడ్ వై ర‌వి ఉద్యోగాన్నివ‌దిలేసి ఇండియాలో ఫ‌స్ట్ టెలికం కంపేరిజ‌న్ ఫ్లాట్‌ఫామ్‌గా టిక్‌టిక్ యాప్‌ను బిల్డ‌ప్ చేశారు. ఐఐటీ ఢిల్లీ, ఐఐఎం బెంగ‌ళూరుల నుంచి గ్రాడ్యుయేష‌న్ చేసిన ర‌వి ఈ ప్రాజెక్ట్‌ను చేప‌ట్టారు. ఆంధ్రా యూనివ‌ర్సిటీ నుంచి ఎంసీఏ చేసిన అనిల్  ఈ టిక్‌టిక్ యాప్‌ను క్రియేట్ చేశారు.  ఏ ఏరియాలో ఏ టెలికం నెట్‌వ‌ర్క్ బాగా ప‌ని చేస్తుందో చెప్ప‌డం ఈ యాప్ టార్గెట్‌. 

బెస్ట్ రీఛార్జి ప్లానేంటో కూడా చెబుతుంది

మీ ఏరియాలో బెస్ట్ నెట్‌వ‌ర్క్ అనేది చెప్ప‌డాన‌కి ట్రాయ్ పోర్టల్‌లో ఉన్న ఆప‌రేట‌ర్ ఇన్ఫ‌ర్మేష‌న్ బేస్ చేసుకుంటారు. బాగా ప‌ని చేసే నెట్‌వ‌ర్క్‌ల‌కు ఫైవ్ స్టార్ రేటింగ్‌ను ఈ యాప్ ఇస్తుంది. అంతేకాదు మీ యూసేజ్‌కు సూట‌బుల్ అయ్యే బెస్ట్ రీఛార్జి ప్లాన్ ఏంటో కూడా స‌జెస్ట్ చేస్తుంది. ప్లే స్టోర్‌లో ఈ యాప్ దొరుకుతుంది. ట్రై చేసి చూడండి.