గూగుల్ మెసేజ్ యాప్‌తో మీ మెసేజ్‌ను షెడ్యూల్ చేయొచ్చు.. ఎలాగో చెప్పే గైడ్
- మార్గదర్శిని ( గైడ్ ) / - 3 సంవత్సరాల క్రితం /
ఎవ‌రికైనా మెసేజ్ పంపాలంటే టైప్ చేసి పంపిస్తాం. అదే ఇప్పుడు మెసేజ్ టైప్ చేసి త‌ర్వాత పంపించాలంటే దాన్ని డ్రాఫ్ట్‌గా సేవ్ చేసి పెట్టుకుంటాం. కానీ ఆ టైమ్‌కు పంప‌డం మ‌ర్చిపోతే.. లేదంటే ఆ టైమ్‌ మెసేజ్ సెండ్ చేయ‌డం మ‌ర్చిపోతే ఇబ్బంది ప‌డాల్సి వ‌స్తుంది క‌దా.. అందుకే గూగుల్ ఈ స‌మ‌స్య‌కు ఓ సొల్యూష‌న్ తీసుకొచ్చింది. షెడ్యూల్ మెసేజింగ్ ఫీచర్‌ను ప్ర‌వేశ‌పెట్టింది. దీనిలో మీరు మెసేజ్ టైప్ చేసి అవ‌త‌లి వ్య‌క్తికి పంపాల్సిన స‌మ‌యం సెట్ చేసుకోవ‌చ్చు. ఆ టైమ్‌కు ఆ మెసేజ్ వారికి సెండ్ అయిపోతుంది. అయితే ఈ సౌక‌‌ర్యం గూగుల్ 'మెసేజింగ్ యాప్‌లో మాత్ర‌మే అందుబాటులో ఉంటుంది.
మెసేజ్ ఎలా షెడ్యూల్ చేసుకోవాలంటే..
* గూగుల్ షెడ్యూల్ మెసేజింగ్ యాప్ ప్లే స్టోర్‌ లో ఉంది. ఈ యాప్ డౌన్ లోడ్ చేసుకున్నత‌ర్వాత దాన్ని ఓపెన్ చేయాలి.
* త‌ర్వాత ఈ యాప్‌ను డీఫాల్ట్‌ యాప్‌గా సెట్ చేసుకోవాలి.
* ఇప్పుడు మీ పాత మెసేజ్ యాప్‌లో ఉన్న మెసేజ్‌లన్నీ ఇందులోకి వచ్చేస్తాయి.
* త‌ర్వాత కింద కుడి వైపు ఉన్న మెసేజ్ ఐకాన్‌ను క్లిక్ చేయాలి.
* ఇప్పుడు మీరు ఎవ‌రికైతే మెసేజ్ పంపాల‌నుకుంటున్నారో ఆ నంబర్ ఎంటర్ చేసి.. మెసేజ్ బాక్స్‌లో మన మెసేజ్‌ను టైప్ యాలి. ఇప్పుడు ఎస్‌ఎంఎస్‌ సెండ్ బటన్‌పై కొన్ని సెకండ్ల పాటు లాంగ్ ప్రెస్‌ చేయాలి.
* దీంతో మనకు షెడ్యూల్ సెండ్ అనే ఆప్షన్‌ స్క్రీన్ పై కనిపిస్తుంది. దానిపై క్లిక్ చేసి మనం ఏ సమయానికి ఆ మెసేజ్ వెళ్లాలనుకుంటున్నామో ఎంటర్ చేయాలి.
* ఇప్పుడు సెండ్ కొడితే ఆ మెసేజ్ షెడ్యూల్ అయిపోతుంది.
షెడ్యూల్ డిలీట్ చేయాలంటే
* మనం షెడ్యూల్ చేసిన మెసేజ్‌ను డిలీట్ చేయాలనుకుంటే తొలగించే అవకాశం కూడా ఉంది.
* అంతేకాదు షెడ్యూల్ చేసిన సమయాన్ని కూడా మార్చుకోవచ్చు.
