ఆధార్ నెంబ‌ర్‌తో చిటికెలో పాన్‌కార్డ్ పొందడానికి సింపుల్ గైడ్
- మార్గదర్శిని ( గైడ్ ) / - 3 సంవత్సరాల క్రితం /
ప‌ర్మినెంట్ అకౌంట్ నెంబ‌ర్ (పాన్) కార్డ్ కావాలా.. మీ ద‌గ్గ‌ర ఆధార్ కార్డ్, ఆధార్‌లో న‌మోదు చేసుకున్న ఫోన్ నెంబ‌ర్ ఉంటే ప‌దంటే ప‌దే నిమిషాల్లో పాన్ కార్డ్ చేతికి వ‌చ్చేస్తుంది. ఇన్‌స్టంట్ పాన్ కార్డ్ పేరుతో కేంద్ర ప్ర‌భుత్వం ఈ కార్య‌క్ర‌మాన్ని రెండు రోజుల కిందట అధికారికంగా ప్రారంభించింది. ఆర్థిక మంత్రి నిర్మలా సీతారామన్‌ గురువారం అధికారికంగా ప్రారంభించారు.
ఇన్‌స్టంట్ ఆధార్
ఆధార్ వివరాలు ఇచ్చిన వారికి అప్పటికప్పుడే ఆన్‌లైన్‌లో పాన్ నంబర్‌ కేటాయించే ఈ సదుపాయాన్నిఫిబ్రవరి 12న పైలెట్ ప్రాజెక్టుగా ప్రారంభించారు. బీటా వెర్ష‌న్‌లో పాన్ కార్డులు ఇవ్వ‌డం ప్రారంభించారు. అప్ప‌ట నుంచి మే 28 వ‌ర‌కు 6,77,680 పాన్ నంబర్లు ఆన్‌లైన్‌లో కేటాయించిన‌ట్లు కేంద్ర ప్ర‌భుత్వం ప్ర‌క‌టించింది.
ఇవీ ప్ర‌త్యేక‌త‌లు
* పేప‌ర్ లెస్ అప్లికేషన్
* రియ‌ల్ టైమ్ ఇష్యూ
* ఉచిత స‌ర్వ‌స్‌
ఎలా అప్లయి చేసుకోవాలి?
* ఇన్‌క‌మ్ ట్యాక్స్ ఈ- ఫైలింగ్ వెబ్‌సైట్‌కు వెళ్లండి
* దీనిలో ఎడ‌మ‌వైపు మెనూలో ఇన్‌స్టంట్ పాన్ త్రూ ఆధార్ అనే ఆప్ష‌న్ కనిపిస్తుంది. దాన్ని క్లిక్ చేయండి
* ఇప్పుడు కొత్త పేజీ ఓపెన్ అవుతోంది. ఇందులో గెట్ న్యూ పాన్ ఆప్ష‌న్ క్లిక్ చేయండి.
* ఆధార్ నెంబ‌ర్, ఆ పేజీలో ఇచ్చిన క్యాప్చా ఎంట‌ర్ చేసి టర్మ్స్ అండ్ కండిష‌న్స్ ఓకే చేయండి. కింద జ‌న‌రేట్ ఆధార్ ఓటీపీ అనే ఆప్ష‌న్ క్లిక్ చేయండి.
* మీ మొబైల్‌కు ఓటీపీ వస్తుంది. అది ఎంట‌ర్ చేయ‌గానే మీ అప్లికేషన్ ప్రాసెస్ పూర్తవుతుంది.
* అప్లికేషన్ పెట్ట‌గానే 15 అంకెల ఎక‌నాలెడ్జ్‌మెంట్ నెంబ‌ర్ వస్తుంది. కావాలంటే మీ అప్లికేషన్ స్టేట‌స్‌ను దీని ద్వారా తెలుసుకోవ‌చ్చు.
* అవసరమైన వివరాలు అందించిన 10 నిమిషాల్లోనే వారికి పాన్ నంబర్‌ వస్తుంది. మీ మొబైల్‌కు, మెయిల్ ఐడీకి మీ పాన్ కార్డ్ డౌన్‌లోడ్ లింక్ వస్తుంది.
* ఈ ఫైలింగ్ వెబ్‌సైట్‌లో ఇన్‌స్టంట్ పాన్ త్రూ ఆధార్ అనే ఆప్ష‌న్ కనిపిస్తుంది. దాన్ని క్లిక్ చేస్తే డౌన్‌లోడ్ పాన్ ఆప్ష‌న్ ఉంటుంది. దాన్ని క్లిక్ చేస్తే మీ పాన్ కార్డ్ డౌన్‌లోడ్ అవుతుంది.
