కరోనా వచ్చాక అందరికీ ఆరోగ్యం పట్ల శ్రద్ద బాగా పెరిగింది. పల్స్ ఆక్సీమీటర్స్ కొనుక్కుని మరీ పల్స్ చెక్ చేసుకుంటున్నారు. స్మార్ట్ వాచ్ పెట్టుకుని హార్ట్ బీట్ ఎలా వుందో చూసుకుంటున్నారు. ఇప్పుడు ఈ ఫీచర్లన్నీ గూగుల్ పిక్సెల్ స్మార్ట్ఫోన్ వినియోగదారులకు వచ్చే నెల నుంచి అందుబాటులోకి రాబోతున్నాయి. త్వరలో మిగతా ఆండ్రాయిడ్ ఫోన్లకు వచ్చే అవకాశలున్నాయి.
గూగుల్ ఫిట్ యాప్ తో
గూగుల్ ఫిట్ (google fit) యాప్ లో ఈ నూతన అప్డేట్ ను చేర్చనుంది. ఆప్టికల్ ఫ్లో అనే కంప్యూటర్ విజన్ టెక్నిక్ను ఉపయోగించి శ్వాసకోశ రేటును కొలుచుకోవచ్చు. స్మార్ట్ ఫోన్ కెమెరాను ఉపయోగించి హార్ట్ బీట్ రేటును కొలుచుకోవచ్చని గూగుల్ తెలిపింది. ఎలా తెలుసుకోవచ్చు?
* గూగుల్ ఫిట్ యాప్ ఓపెన్ చేసి పిక్సెల్ ఫోన్ లో ఉండే ఫ్రంట్ కెమెరా తెరిచి ఊపిరి పీల్చుకుంటూ మీ శ్వాసకోశ రేటును కొలుచుకోవచ్చు.
* ఫోన్ బ్యాక్ కెమెరా లెన్స్ మీద బొటన వేలు పెట్టి హృదయ స్పందన రేటును చెక్ చేసుకోవచ్చు. *ఎప్పటికప్పడు ఈ డేటా సేవ్ చేసుకునే ఆప్షన్ కూడా గూగుల్ ఫిట్ యాప్లో పొందుపర్చనున్నట్లు గూగుల్ ప్రకటించింది.