• సోషల్ మీడియా - వాట్స్ అప్ /
• 5 సంవత్సరాల క్రితం /

సోషల్ మీడియాలో దూసుకుపోతున్న ఇన్‌స్టంట్ మెజేసింగ్ దిగ్గజం వాట్సప్ ప్రపంచ వ్యాప్తంగా కోట్ల మంది ఉపయోగిస్తున్న సంగతి అందరికీ తెలిసిందే.  తెల్లారి లేచింది మొదలు రాత్రి పడుకునే దాకా టెక్ట్స్ మెసేజ్ లు, వీడియోలు, పీడీఎఫ్ ఫైల్స్  మొదలుకొని లైవ్ చాట్ ల దాకా ఎంతో సమాచారాన్ని ఇచ్చి పుచ్చుకుంటున్నారు.  అయితే ఈ మధ్య వాట్సప్ యాప్ ని దుర్వినియోగం చేస్తున్నారనే వార్తలు వింటున్నాం. దీంతో వాట్సప్ అలర్ట్ అయింది. వినియోగదారులకు రోజు రోజుకూ సౌకర్యాలు కల్పిస్తూనే వాట్సప్ నిబంధనలు కఠిన తరం చేస్తోంది .

ఇకపై వాట్సప్ ద్వారా చాలామందికి ఒకేసారి బల్క్ మెసెజ్ లు పంపేవారిపై ఇకనుంచి వాట్సప్ కఠిన చర్యలు తీసుకోనుంది. నిబంధనలకు విరుధ్ధంగా వాట్సప్ ను దుర్వినియోగం చేస్తే  మీపై చట్టపరమైన చర్యలు తీసుకునే చాన్స్ ఉంది. జైలు శిక్ష కూడా పడవచ్చు. సంస్ధలుకానీ వ్యక్తులు కానీ ఒకేసారి ఎక్కవ సంఖ్యలో మెసేజ్ లు పంపితే చట్టపరమైన చర్యలు తీసుకుంటామని వాట్సప్ తెలిపింది. ఈ నిబంధనలు 2019 డిసెంబర్ 7 నుంచి అమల్లోకి వస్తాయంది.  

కంపెనీ నియమావళి ఉల్లంఘించినా, అందుకు సహకరించిన వారిపై, ఆటో మోటిక్ గా మెసేజ్ లు ఎక్కవ పంపినా చర్యలు తీసుకుంటామని  తెలిపింది. కానీ....ఎటువంటి చర్యలు తీసుకుంటామని స్పష్టత ఇవ్వలేదు. భారతదేశంలో ఇటీవల జరిగిన లోక్ సభ ఎన్నికల్లో వాట్సప్ ను దుర్వినియోగ పరుస్తూ కొందరు ఫ్రీ క్లోనింగ్ యాప్స్ ద్వారా ఓటర్లకు పెద్ద సంఖ్యలో మెసేజ్ లు పెట్టినట్లు వార్తలు వచ్చాయి. దీనిపై కేంద్రం వాట్సప్ సంస్ధపై ఆగ్రహం వ్యక్తం చేసింది. వాట్సప్ ను ఒకేసారి, ఆటోమేటిక్ గా మెసేజ్ లు పంపేందుకు ఏర్పాటు చేయలేదని పేర్కోంటూ వాట్సప్ కొత్త నిబంధనలు తీసుకువచ్చింది.