శాంసంగ్ బిగ్ టీవీ డేస్.. టీవీ కొంటే స్మార్ట్ ఫోన్ ఫ్రీ.. ఏంటీ ఆఫ‌ర్?
- కొత్త ఉత్పత్తులు /
- 3 సంవత్సరాల క్రితం /
టెక్నాలజీ దిగ్గ‌జం శాంసంగ్ స్మార్ట్‌టీవీల అమ్మ‌కాల మీద సీరియ‌స్‌గా దృష్టి పెట్టింది. స్మార్ట్ టీవీల మార్కెట్లోకి వ‌న్‌ప్ల‌స్‌, రియ‌ల్‌మీ లాంటి చైనా కంపెనీల‌న్నీ వ‌చ్చి త‌క్కువ ధ‌ర‌కే సూప‌ర్ ఫీచ‌ర్ల‌తో ఉన్న టీవీలు అందిస్తున్నాయి. ఈ పోటీని త‌ట్టుకోవ‌డానికి శాంసంగ్ కొత్త రూట్ ఎంచుకుంది. టీవీల ధ‌ర‌లు పెద్ద‌గా తగ్గించ‌కుండా టీవీ కొన్నవారికి స్మార్ట్‌ఫోన్లు, సౌండ్‌బార్స్ ఫ్రీగా ఇస్తోంది. ఇందుకోసం శాంసంగ్ టీవీ డేస్‌ను ప్ర‌క‌టించింది. ఏమిటీ శాంసంగ్ టీవీ డేస్ ఆఫర్లు? * శాంసంగ్ టీవీ డేస్ ఆఫ‌ర్‌లో భాగంగా శాంసంగ్ 55 ఇంచెస్, 65 ఇంచెస్, 75ఇంచెస్, 82 ఇంచెస్ స్మార్ట్ టీవీలు, 85 ఇంచెస్ క్యూలెడ్ టీవీలు, క్రిస్టల్ 4కే యూహెచ్‌డీ, క్యూలెడ్ 8కే టీవీలపై బిగ్ టీవీ డేస్ ఆఫర్లు ప్ర‌క‌టించింది. * శాంసంగ్ 65 అంగుళాల క్యూలెడ్ టీవీ, 75 అంగుళాల క్రిస్టల్ 4కే అల్ట్రాహెచ్‌డీ టీవీ కొంటే రూ.22,999 విలువైన శాంసంగ్ గెలాక్సీ ఏ51 స్మార్ట్‌ఫోన్ ఉచితం. | * శాంసంగ్ 55 ఇంచెస్ క్యూలెడ్ టీవీలు, 65 ఇంచెస్ క్రిస్టల్ 4కే అల్ట్రాహెచ్‌డీ టీవీలు కొంటే రూ.18,999 విలువైన శాంసంగ్ గెలాక్సీ ఏ31 స్మార్ట్‌ఫోన్ మీకు ఫ్రీ. * శాంసంగ్ 75 ఇంచెస్, 82 ఇంచెఓస్‌, 85 ఇంచెస్ క్యూలెడ్ టీవీలు కొన్నవారికి రూ.48,990 విలువైన సౌండ్‌బార్ HW-Q800T లేదా రూ.99,990 విలువైన సౌండ్‌బార్ HW-Q900T ఫ్రీగా ఇస్తుంది. ఇవి కూడా సెల్‌ఫోన్‌, సౌండ్‌బార్స్ ఉచితంగా ఇవ్వ‌డ‌మే కాదు కస్టమర్లు 20 శాతం క్యాష్‌బ్యాక్ కూడా పొందొచ్చు. * ఎక్స్‌టెండెడ్ వారెంటీ ఆఫర్స్ కూడా ఉన్నాయి. * అంతేకాదు త‌క్కువ‌లో త‌క్కు రూ.1,990 ఈఎంఐకే కూడా టీవీ కొన‌వ‌చ్చ‌ని శాంసంగ్ ప్ర‌క‌టించింది. జ‌న‌వ‌రి 31 వ‌ర‌కే ఆఫర్లు ఈ శాంసంగ్ టీవీ డేస్ ఆఫర్లు జ‌న‌వ‌రి 31 వ‌ర‌కు అందుబాటులో ఉంటాయి. అన్ని శాంసంగ్ స్టోర్లు, లీడింగ్ ఎల‌క్ట్రానిక్స్ షాప్స్‌లో దీన్ని పొంద‌వ‌చ్చ‌ని శాంసంగ్ చెప్పింది.
