• కొత్త ఉత్పత్తులు /
• 3 సంవత్సరాల క్రితం /

ఆండ్రాయిడ్ ఫోన్లలో సరికొత్త షేరింగ్ ఆప్షన్ తీసుకొచ్చింది గూగుల్. బ్లూటూత్, వైఫై వంటి కనెక్టింగ్ ఫీచర్లను ఉపయోగించుకొని సమీపంలో ఉన్న ఆండ్రాయిడ్ డివైస్ లకు ఫైల్స్ షేర్ చేసుకోవడానికి ఈ నియర్ బై షేరింగ్  ఫీచర్ ఉపయోగపడుతుంది. నియర్ బై షేరింగ్ ఫీచర్ ఆండ్రాయిడ్ ఫోన్ లో సరికొత్తగా రాబోతుంది. ముందుగా గూగుల్ పిక్సెల్, సాంసంగ్ హై ఎండ్ ఫోన్లకు ఈ ఫీచర్ రానుంది. ఆండ్రాయిడ్ 6, ఆ తర్వాత వచ్చిన ఫోన్లకు ఈ ఫీచర్ పనిచేస్తుంది.      

ఎలా పనిచేస్తుందంటే? 

 ఏదైనా ఫైల్ ట్రాన్స్ఫర్ చేయడానికి సెలెక్ట్ చేయగానే ఈ నియర్ బై షేరింగ్ ఫీచర్ యాక్టివేట్ అవుతుంది. బ్లూటూత్, వైఫై, బ్లూటూత్ లో ఎనర్జీ వంటి అందుబాటులో ఉన్న కనెక్టివిటీ ఫీచర్ల లో ఏదో ఒకటి సెలెక్ట్ చేసుకొని ఫైల్ షేర్ చేస్తుంది. ఆన్లైన్, ఆఫ్లైన్లో కూడా ఈ నియర్ బై షేరింగ్ ఫీచర్ పనిచేస్తుంది. యాపిల్ ఎయిర్ డ్రాప్ లా ఐఫోన్, ఐ పాడ్ లాంటి యాపిల్ డివైజ్లకు దగ్గర్లో ఉన్న మరో యాపిల్ డివైస్ నుంచి ఫైల్స్ షేర్ చేయడానికి ఎయిర్ డ్రాప్ అనే ఫీచర్ ఉంది. 2011లో యాపిల్ తీసుకొచ్చిన ఈ ఫీచర్ బాగా పాపులర్ అయింది. దాదాపు పదేళ్ల తర్వాత ఆండ్రాయిడ్ ఫోన్ లకు ఇలాంటి ఫీచర్ ను గూగుల్ తీసుకురావడం విశేషం.