సోనీ నుంచి రియాన్ పాకెట్ ఏసీ, చొక్కాకు ధరిస్తే రోజంతా చల్లదనమే
- కొత్త ఉత్పత్తులు /
- 4 సంవత్సరాల క్రితం /
ఎండాకాలం వచ్చిందంటే చాలు బయటకెళ్లడానికే భయపడతాం. కాస్త ఉన్నవాళ్లయితే ఇంట్లో ఎంచక్కా ఏసీ పెట్టుకుంటారు. మరి బయటకెళ్లినప్పుడు పరిస్థితి ఏంటి? సరిగ్గా ఇదే ఆలోచనతో ప్రముఖ ఎలక్ట్రానిక్‌ ఉత్పత్తుల సంస్థ సోనీ ఓ కొత్త పోర్టబుల్‌ ఎయిర్ కండిషనర్‌ (ఏసీ)ని తీసుకొచ్చింది. దీనికి ఆ కంపెనీ ‘రియాన్ పాకెట్’గా పేరు పెట్టింది. ఇది మీ ఫోన్ కన్నా చిన్నగానే ఉంటుంది. చొక్కా జేబులో కూడా పెట్టుకోవచ్చు.
జర్నీలో ఉన్నప్పుడు లేదా ఎక్కడైనా కూర్చున్నప్పుడు ఏసీ లేకపోతే వెంటనే మీరు ఈ రియాన్ పాకెట్ ఏసీ వాడుకోవచ్చు. ఈ చిన్న ఏసీ వేసవిలో ఎంతగానే ఉపయోగపడుతుంది. క్రౌడ్‌ఫండింగ్ ప్రాజెక్ట్ లో భాగంగా సోనీ కంపెనీ దీనిని తీసుకువచ్చింది. ఈ ప్రాజెక్ట్ కోసం 6.6 కోట్ల యెన్‌ (జపాన్‌ కరెన్సీ) లక్ష్యంగా పెట్టుకోగా 2.8 కోట్ల యెన్‌లు ఇప్పటి వరకు సమకూరాయి.
ఈ పోర్టబుల్‌ ఏసీ ధర అక్షరాల 14,080 యెన్‌లు అంటే మన కరెన్సీ ప్రకారం రూ.8,992. లోపల ధరించే టీషర్ట్‌తో కలిపి ఈ ధరకు కంపెనీ విక్రయిస్తోంది. లోపలి టీషర్ట్‌ S,M,L సైజుల్లో లభిస్తాయి. ఒకవేళ డివైజ్‌తో పాటు ఐదు టీషర్ట్స్ కావాలంటే రూ.12,000 చెల్లించాలి.
కారు లేదా వైన్ కూలర్స్‌లో ఉపయోగించే టెక్నాలజీతో పాకెట్ ఏసీని సోనీ రూపొందించింది. లిథియమ్ ఇయాన్ బ్యాటరీతో పనిచేస్తుంది. 2 గంటలు ఛార్జ్ చేస్తే చాలు రోజంతా ఉపయోగించుకోవచ్చు. వాటర్ ప్రూఫ్‌తో ఇది వస్తోంది. అయితే ఇది కేవలం పురుషులకు మాత్రమే. ప్రస్తుతం ఈ ప్రొడక్ట్ కేవలం జపాన్‌లో మాత్రమే అందుబాటులో ఉంది.భారత్‌కు తీసుకొచ్చేదీ లేనిదీ తెలియాల్సి ఉంది.
బ్యాటరీతో నడిచే ఈ పాకెట్ ఏసీ స్మార్ట్‌ఫోన్‌ ద్వారా బ్లూటూత్ ఉపయోగించి నియంత్రిచొచ్చు. బ్లూటూత్ 5.0తో ఇది పనిచేస్తుంది. రెండు గంటల పాటు ఛార్జింగ్‌ చేస్తే 90 నిమిషాల పాటు వాడుకోవచ్చు.
రియాన్ పాకెట్ బ్లూటూత్ 5.0LE సపోర్టుతో ఫోన్లకు కనెక్ట్ చేసుకోవచ్చు. వేరబుల్ AC డివైజ్ వాటర్ ప్రూఫ్ కాదని గుర్తించుకోవాలి. కానీ, యాంటీ డర్ట్, చెమట, వాటర్ డ్రాప్ లెట్స్‌తో పాటు హైగ్రోస్కోపిక్ సాఫ్ట్ క్లాత్‌కు స్టిక్ అయి ఉండేలా ఉంటుంది.
