• ఈ వాణిజ్యం /
• 01 Nov 2026, 10:07 PM /

కూరగాయలు కొనాలన్నా.. రాపిడో, ఊబర్‌లకు పే చేయాలన్నా.. రెస్టారెంట్‌లో బిల్లు చెల్లించాలన్నా.. ఇలా ఏ చిన్న అవసరమైనా ఇప్పుడు మనకున్న ఒకే ఒక్క ఆప్షన్ యూపీఐ. మరి దేశవ్యాప్తంగా ఒక రోజులో సగటున జరుగుతున్న యూపీఐ లావాదేవీల విలువ ఎంతో తెలుసా? అక్షరాలా రూ. 1.01 లక్షల కోట్లు! ఏంటీ నమ్మశక్యంగా లేదా? కానీ నేషనల్ పేమెంట్స్ కార్పొరేషన్ ఆఫ్ ఇండియా (NPCI) విడుదల చేసిన డేటాలో వెల్లడైన నిజమిది. మనదేశంలో ప్రజలు డిజిటల్ పేమెంట్స్‌పై ఎంతగా ఆధారపడ్డారో తెలుసుకోవడానికి ఈ ఒక్క సంఖ్య చాలు. అక్టోబర్ నెలలో యూపీఐ సృష్టించిన ఆ రికార్డుల వివరాలు ఇప్పుడు చూద్దాం!

అక్టోబర్ నెల రికార్డు గణాంకాలు
మొత్తం లావాదేవీల విలువ: అక్టోబర్ నెలలో మొత్తం రూ. 31.53 ల‌క్ష‌ల‌ కోట్ల విలువైన లావాదేవీలు జరిగాయి. యూపీఐ చరిత్రలో ఒకే నెలలో రూ. 30 లక్షల కోట్ల మార్కును దాటడం ఇదే మొదటిసారి. (దీనికి ముందు మే నెలలో నమోదైన రూ. 29.90 లక్షల కోట్లే గరిష్టం).
మొత్తం లావాదేవీల సంఖ్య: ఈ నెలలో మొత్తం 2,547 కోట్ల పేమెంట్లు జరిగాయి. ఇది అంతకుముందు ఆగస్టులో నమోదైన రికార్డు (2,451 కోట్లు) ను అధిగమించింది.
వార్షిక వృద్ధి (YoY Growth): గత ఏడాదితో పోలిస్తే లావాదేవీల సంఖ్య (Volume) లో 23% వృద్ధి, మరియు విలువల (Value) పరంగా 16% వృద్ధి నమోదైంది.

సెప్టెంబర్‌లో ఎలా ఉంది?
ఎన్ని లావాదేవీలు: సెప్టెంబర్ నెలలో 2,407 కోట్ల లావాదేవీల ద్వారా రూ. 29.37 లక్షల కోట్ల చెల్లింపులు జరిగాయి.
పెరుగుదల: సెప్టెంబర్‌తో పోలిస్తే అక్టోబర్‌లో లావాదేవీల సంఖ్య సుమారు 5.8% పెరిగింది. అక్టోబర్ నెలలో యూపీఐ లావాదేవీలు ఇంత భారీగా పెరగడానికి రెండు ముఖ్య కారణాలు ఉన్నాయి.
పండుగలు & ఆన్‌లైన్ సేల్స్: దసరా పండుగ కొనుగోళ్లు మరియు అమెజాన్, ఫ్లిప్‌కార్ట్ వంటి మెగా ఆన్‌లైన్ సేల్స్ వల్ల ప్రజలు భారీగా డిజిటల్ చెల్లింపులు చేశారు.
ఎక్కువ రోజు: సెప్టెంబర్ (30 రోజులు) కంటే అక్టోబర్ (31 రోజులు) నెలలో ఒక రోజు అదనంగా ఉండటం కూడా మొత్తం లావాదేవీల సంఖ్య పెరగడానికి కారణమైంది.

రోజువారీ సగటు
సగటు విలువ: అక్టోబర్‌లో రోజూ సగటున రూ. 1,01,707 కోట్ల లావాదేవీలు జరిగాయి. (సెప్టెంబర్‌లో రోజువారీ సగటు రూ. 97,913 కోట్లుగా ఉండేది).
సగటు లావాదేవీలు: రోజూ సగటున 82.2 కోట్ల లావాదేవీలు జరిగాయి. (సెప్టెంబరు రోజువారీ సగటు 80.2 కోట్లు). ఇందులో వ్యక్తుల మధ్య జరిగే బదిలీలు (P2P), వ్యాపారులకు చేసే చెల్లింపులు (P2M) రెండూ కలిసి ఉన్నాయి.

ఎండీఆర్ చార్జీలకు గ్రీన్‌సిగ్న‌ల్ నేప‌థ్యంలో..
కొత్త నిబంధ‌న‌: కొన్ని పేమెంట్లపై 'మర్చంట్ డిస్కౌంట్ రేట్' (MDR) చార్జీలు విధించాల‌ని పేమెంట్స్ రంగం సిద్ధమవుతున్న తరుణంలోనే ఈ రికార్డులు నమోదయ్యాయి.
అమలు వాయిదా: పండుగల సీజన్ దృష్ట్యా ఈ చార్జీల అమలును దీపావళి ముగిసే వరకు వాయిదా వేస్తున్నట్లు అక్టోబర్ 13న NPCI ప్రకటించింది. దీని కొత్త తేదీని విడిగా ప్రకటించనున్నారు.

ఫీజుల వివరాలు – మినహాయింపులు
ఫీజు ఎవరు కట్టాలి?: MDR అనేది వ్యాపారులు (Merchants) డిజిటల్ చెల్లింపుల ప్రాసెసింగ్ కోసం చెల్లించే రుసుము. సాధారణ వ్యక్తుల మధ్య జరిగే (Person-to-Person) బదిలీలు ఎప్పటికీ ఉచితంగానే ఉంటాయి.
చార్జీల శాతం: రూ. 2,000 కంటే ఎక్కువ ఉండే నిర్దేశిత మర్చంట్ లావాదేవీలపై 0.4% చార్జ్ పడుతుంది. ఇది గరిష్టంగా ఒక లావాదేవీకి రూ. 300 కి పరిమితం (Capped) చేయబడింది. ఉదాహరణకు రూ. 10,000 చెల్లింపుపై రూ. 40 ఫీజు పడుతుంది.
ప్రత్యేక కేటగిరీలు: ఇంధనం (Fuel), రైల్వే టికెట్లు, యుటిలిటీ బిల్లుల (కరెంట్, గ్యాస్ మొదలైనవి) చెల్లింపులకు రూ. 2,000 దాటిన లావాదేవీలపై కేవలం ఫ్లాట్ రూ. 5 చార్జ్ మాత్రమే ఉంటుంది.
చిన్న వ్యాపారులకు మినహాయింపు: యూపీఐ ద్వారా నెలకు రూ. 1 లక్ష కంటే తక్కువ ఆదాయం పొందే చిన్న వ్యాపారులకు ఈ ఫీజు నుండి మినహాయింపు ఇచ్చారు.
ఆదాయ అంచనా: ఈ ప్రతిపాదిత ఫీజుల ద్వారా దాదాపు రూ. 15,000 కోట్ల ఆదాయం సమకూరవచ్చని పరిశ్రమ అంచనా. ఈ నిధులను బ్యాంకులు, పేమెంట్ కంపెనీలు తమ యూపీఐ ఇన్ఫ్రాస్ట్రక్చర్‌ను మరింత బలోపేతం చేయడానికి ఉపయోగించుకుంటాయి.

UPI Record 2026 UPI 1 Lakh Crore Per Day Indians Spending 1 Lakh Crore Daily Digital India Growth NPCI UPI Latest Data Indian Digital Payments News Fintech Growth in India UPI Transaction Record October 2026 Cashless Economy India UPI Milestone UPI transaction volume October 2026 India daily digital payments data NPCI UPI records Indian online spending statistics Unified Payments Interface growth Merchant discount rate UPI 2026 India financial technology trends