• - ఎలా? /
• 5 సంవత్సరాల క్రితం /

ఇప్పుడు పాన్ కార్డు (పర్మనెంట్ అకౌంట్ నెంబర్) అనేది  చాలా కీలకంగా మారింది. ఆదాయపు పన్ను శాఖ పాన్ కార్డు జారీ చేస్తుంది. ఇప్పుడు వ్యక్తి లేదా కంపెనీ ఎవరైనా పాన్ కార్డు కోసం దరఖాస్తు చేసుకోవచ్చు. కాగా ఈ మధ్య పాన్ కార్డు పొందటం చాలా సులభతరమైంది. ఆన్‌లైన్‌లో సింపుల్‌గానే కార్డు కోసం దరఖాస్తు చేసుకోవచ్చు. 

లామినేటెడ్ రూపంలోని పాన్ కార్డు డెలివరీకి సాధారణంగా 15 నుంచి 20 రోజుల సమయం పడుతుంది. అయితే ఎన్ఎస్‌డీఎల్ వెబ్‌సైట్‌లో పాన్ కార్డు అప్లై చేయడం ద్వారా 2 రోజుల్లోనే పొందొచ్చు. ఎన్ఎస్‌డీఎల్ వెబ్‌సైట్‌కు www.tin-nsdl.com వెళ్లి ఫామ్ 49ఏ లేదా ఫామ్ 49ఏఏ అప్లికేషన్ ఫిల్ చేసి ఆన్‌లైన్‌లోనే సబ్‌మిట్ చేసి వేగంగా పాన్ కార్డు పొందొచ్చు. 

అప్లికేషన్ సబ్‌మిట్‌ చేయడానికి 3 ఆప్షన్లు అందుబాటులో ఉన్నాయి.
 1. ఈ-కేవైసీ
 2. ఈ-సైన్ (పేపర్‌లెస్)
3. ఈ-పైన్, ఫిజికల్ డాక్యుమెంట్ అనే మూడు మార్గాల్లో పాన్ అప్లికేషన్‌ను సబ్‌మిట్ చేయవచ్చు. ఈ-కేవైసీ అండ్ ఈ-సైన్ (పేపర్‌లెస్) విధానంలో ఆధార్ కార్డు ఉంటే సరిపోతుంది. ఈ-సైన్ ఆప్షన్‌లో ఫోటో, సిగ్నేచర్, ఇతర డాక్యుమెంట్లు అప్‌లోడ్ చేయాల్సి ఉంటుంది. ఇక ఫిజికల్ డాక్యుమెంట్ ఆప్షన్‌లో పాన్ అప్లికేషన్‌ను ఎన్‌ఎస్‌డీఎల్‌కు ఫార్వర్డ్ చేయాలి. 

పాన్ కార్డు అప్లికషన్ జాగ్రత్తగా ఫిల్ చేయండి. తప్పులు లేకుండా చూసుకోండి. అప్లికేషన్ ఫిల్ చేసిన తర్వాత కొంత ఫీజుతో ఆన్‌లైన్‌లో సబ్‌మిట్ చేయొచ్చు. ఫిజికల్ కార్డు పొందాలనుకుంటున్నారా? లేదంటే ఇ-పాన్ కోరుకుంటున్నారో తెలియజేయవచ్చు.  అప్లికేషన్ సబ్‌మిట్ చేసిన తర్వాత మీకు 15 డిజిట్స్ అక్‌నాలెట్జ్‌మెంట్ సంఖ్య వస్తుంది. దీని ద్వారా మీ అప్లికేషన్ స్టేటస్ తెలుసుకోవచ్చు. మీరు ఎంటర్ చేసిన వివరాల ధ్రువీకరణ పూర్తియిన తర్వాత రెండు రోజుల్లో పాన్ కార్డు వస్తుంది.