• టెలికం /
• 7 సంవత్సరాల క్రితం /

భారతీ ఎయిర్ టెల్ అంతర్జాతీయ రోమింగ్ ప్యాక్స్ పై కొత్త ఆఫర్ ను తీసుకొచ్చింది. ' రోమ్ అబ్రాడ్ ఫ్రీలీ'' పేరుతో ఈ ఆఫర్ ను ప్రకటించింది. దీని కింద మూడు ప్లాన్స్ ను కస్టమర్లకు అందుబాటులోకి తీసుకొచ్చింది.
అమెరికా ప్లాన్లు
ఈ ప్లాన్లు అమెరికాకు రూ.646 నుంచి ప్రారంభమవుతాయి. ఈ ప్లాన్ కింద రోజంతా అపరిమిత ఇన్ కమింగ్ కాల్స్, 500 ఎంబీ ఉచిత డేటా, 100 నిమిషాల అవుట్ గోయింగ్ కాల్స్, 100 ఎస్ఎంఎస్ లు అందుబాటులోకి వస్తాయి. ఈ ప్లాన్ తో పాటు రూ.2,997 ప్లాన్ ను ఎయిర్ టెల్ ప్రకటించింది. ఈ ప్లాన్ తో 3జీబీ వరకు ఉచిత డేటాను ఆఫర్ చేస్తోంది. 10 రోజుల పాటు ఈ ప్లాన్ వాలిడిటీలో ఉంటుంది. డేటాతో పాటు ఉచిత ఇన్ కమింగ్ కాల్స్, 250 నిమిషాల అవుట్ గోయింగ్ కాల్స్, 100 ఎస్ఎంఎస్ లను వాడుకోవచ్చు.
మంథ్లీ ప్లాన్
నెలవారీ ప్లాన్ కింద రూ.3,999ను ఎయిర్ టెల్ ప్రకటించింది. ఈ ప్లాన్ లో 5జీబీ ఉచిత డేటా, ఉచిత ఇన్ కమింగ్ కాల్స్, 500 నిమిషాల అవుట్ గోయింగ్ కాల్స్, 100 ఎస్ఎంఎస్ లను ఎయిర్ టెల్ వినియోగదారులు పొందుతారు. ఈ ఆఫర్ కింద ఏ ప్యాక్ నైనా సబ్ స్క్రైబ్ చేసుకోవాలంటే అంతర్జాతీయ రోమింగ్ సేవలను యాక్టివేట్ చేసుకోవాల్సినవసరం లేదు. కానీ భారత్ వదిలివెళ్లిన 24 గంటల్లోగా ఈ ఆఫర్ ను సబ్ స్క్రైబ్ చేసుకోవాలని, అప్పుడైతేనే ఈ ప్రయోజనాలు అందుబాటులోకి వస్తాయి.