• టెలికం /
• 5 సంవత్సరాల క్రితం /

జియో బ్రాడ్ బ్యాండ్ రాకతో ఇతర బ్రాడ్ బ్యాండ్ సర్వీసు పోటీదారులు తక్కువ ధరకే ఫైబర్ డేటా ప్లాన్లు ఆఫర్ చేస్తున్నాయి. జియో ఫైబర్ సర్వీసు సెప్టెంబర్ 5, 2019 అధికారికంగా లాంచ్ కానున్న నేపథ్యంలో అన్ని కంపెనీలు డేటా, బ్రాడ్ బ్యాండ్ ప్లాన్లను తగ్గించాయి.టెలికం కంపెనీలు మాత్రమే కాకుండా DTH సర్వీసులైన Tata Sky ఆపరేటర్ కూడా తమ కస్టమర్లకు ఈ వారమే అదనపు నెలలు ఉచితంగా సర్వీసు అందించనున్నట్టు ప్రకటించింది. వార్షిక పేమెంట్ ప్లాన్ తీసుకున్న యూజర్లకు మాత్రమే ఈ ఆఫర్ వర్తిస్తుంది. 

BSNL కూడా వార్షిక బ్రాడ్ బ్యాండ్ ప్లాన్లను ప్రకటించింది. రూ.399 బండెల్ పై రూ.999 విలువైన అమెజాన్ ప్రైమ్ మెంబర్ షిప్ ఉచితంగా ఆఫర్ చేస్తోంది. అంతకుముందు రూ.499 బ్రాడ్ బ్యాండ్ ప్లాన్ పై ఉచితంగా అమెజాన్ ప్రైమ్ సబ్ స్క్రిప్షన్ అందించింది. ఇప్పుడు బీఎస్ఎన్ఎల్ రూ.399 బ్రాడ్ బ్యాండ్ ప్లాన్ అందిస్తోంది.

రూ. వెయ్యి లోపు బ్రాడ్ బ్యాండ్ ప్లాన్ల వివరాలపై ఓ లుక్కేద్దాం.
ఎయిర్‌టెల్
ఎయిర్ టెల్ బేసిక్ ప్లాన్ రూ.799లతో 100GB డేటా అందిస్తోంది. అదనంగా 200GB డేటా వరకు ఆఫర్ చేస్తోంది. 6 నెలల కాల పరిమితి మాత్రమే. ఇందులో  40Mbps స్పీడ్, అన్ లిమిటెడ్ లోకల్, STD కాల్స్, ఎయిర్ టెల్ థ్యాంక్స్ బెనిఫెట్స్, ఎయిర్ టెల్ TV ప్రీమియం సబ్ స్ర్కిప్షన్ కూడా లభిస్తాయి. Airtel ఎంటర్ టైన్ మెంట్ ప్లాన్ రూ.1,099 పై అదనపు డేటా పొందవచ్చు. అలాగే రూ.1,599తో ఎయిర్ టెల్ ప్రీమియం ప్లాన్ యాక్సస్ చేసుకోవచ్చు. 

జియో
నెలకు రూ. 700 నుంచి రూ.10వేల వరకు డేటా ప్లాన్లు ఆఫర్ చేస్తోంది. రూ.700 నెల ప్యాకేజీపై ఫ్రీ వాయిస్ కాల్స్ లైఫ్ టైం వరకు ల్యాండ్ లైన్ నుంచి పొందవచ్చు. 100Mbps కనీసం బ్రాడ్ బ్యాండ్ స్పీడ్ పొందవచ్చు.

వొడాఫోన్-ఐడియా
ముంబైలో రూ.814 డేటా ప్లాన్ ఆఫర్ పై 16Mbps స్పీడ్, అన్ లిమిటెడ్ డేటా ప్లాన్ అందిస్తోంది. బెంగళూరులో మాత్రం 50Mbps, 60Mbps అన్ లిమిడెట్ డేటా ప్లాన్ ఆఫర్ చేస్తోంది. వొడాఫోన్ సొంత బ్రాడ్ బ్యాండ్ రూ.944 ప్లాన్ రీఛార్జ్‌పై 30రోజుల వ్యాలిడెటీ అందిస్తోంది. ఇందులో అన్ లిమిటెడ్ డేటాను 100Mbps స్పీడ్ తో పొందవచ్చు. 

BSNL 
ప్రభుత్వ రంగ టెలికం సంస్థ బీఎస్ఎన్ఎల్ రూ.1000 లోపు రెండు డేటా ప్లాన్లు ఆఫర్ చేస్తోంది. ఇందులో రూ.795 ప్లాన్ ఒకటి కాగా, రెండోవది రూ.900 ప్లాన్. ఈ రెండు డేటా ప్లాన్లపై 2Mbps స్పీడ్‌తో 8GBవరకు, 512Kbps స్పీడ్‌ అవతల 8GB వరకు అందిస్తోంది.