• కొత్త ఉత్పత్తులు - మొబైల్ లు / టాబ్లెట్ లు /
• 7 సంవత్సరాల క్రితం /

పేరున్న బ్రాండే అయినా ఎగబడి కొనే స్మార్టుఫోన్లు కావవి. ఆఫ్ లైన్లో అయినా, ఆన్ లైన్లో అయినా పరిమితంగానే అమ్మకాలు. కానీ... ఈసారి మాత్రం ఆ సంస్థ తీసుకొచ్చిన కొత్త మోడల్ ఫోన్ కు ప్రీ ఆర్డర్లు వెల్లువెత్తాయి. దీంతో జియోనీ సంస్థ తెగ సంబరపడుతోంది.
బోణీ సూపర్
స్మార్టుఫోన్ల తయారీదారు జియోని తన నూతన మోడల్ ఎ1 స్మార్ట్ ఫోన్ కు ప్రీ ఆర్డర్లు తీసుకుంటున్న సంగతి తెలసిందే. దీనికి 10 రోజుల్లో దాదాపు 150 కోట్ల రూపాయల విలువైన ఆర్డర్లు వచ్చాయి. కాగా ఈ ఏడాదిలో జియోని మార్కెట్‌కు పరిచయం చేసిన తొలి స్మార్టు ఫోన్ ఇదే. ఏప్రిల్ 1న బుకింగ్సు మొదలు పెట్టగా 9వ తేదీ వరకు దీని కోసం 150 కోట్ల రూపాయల విలువైన బుకింగ్స్ వచ్చాయి. మొత్తం 74,682 మొబైల్స్‌కు ఆర్డర్లు అందుకున్నామని జియోని ఇండియా సిఇఒ, ఎండి అర్వింద్ ఆర్ వోహ్రా ప్రకటించారు.
ఈ రేంజిలో ఇదే టాప్
కాగా 8,000- 25,000 రూపాయల ధరల శ్రేణిలో మరే ఇతర ఫోన్‌కు కూడా ఈ స్థాయిలో ప్రీ-బుకింగ్స్ నమోదు కాలేదట. కాగా, 19,999 రూపాయల విలువ కలిగిన జియోని ఎ1లో 16 మెగాపిక్సల్ ఫ్రంట్ కెమెరా, 13 మెగాపిక్సల్ బ్యాక్ కెమెరాతోపాటు డ్యూయెల్ టోన్ ఫ్లాష్ టెక్నాలజీ ఉన్నాయి. అలాగే మీడియాటెక్ పి10 ప్రాసెసర్, 4జిబి ర్యామ్, 64జిబి అంతర్గత మెమరీ సామర్థ్యం, 4010 మెగాహెట్జ్ బ్యాటరీ దీని సొంతం. ముందు గా 2,000 రూపాయలను చెల్లించి కావాల్సినవారు ఆన్‌లైన్‌లో బుకింగ్ చేసుకోవచ్చని వోహ్రా వెల్లడించారు.