• కొత్త ఉత్పత్తులు /
• 7 సంవత్సరాల క్రితం /

వివిధ ప్రభుత్వ శాఖల్లో పనులు వేగంగా జరిగేలా... పారదర్శకంగా, ఎక్కడా అవినీతికి తావులేకుండా జరిగేలా... ప్రభుత్వోద్యోగుల అవినీతిపై కన్నేసే సాఫ్టువేర్ ను కేంద్రం సిద్ధం చేసింది. ప్రభుత్వ శాఖల్లో పనుల ప్రాసెస్ ను ఆన్ లైన్లో రికార్డు చేసే ఈ సాఫ్ట్ వేర్ క్లౌడ్ బేస్డ్ గా పనిచేస్తుంది.
తొలి దశలో ఈ విధానం పరిధిలోకి కేంద్రంలో పనిచేసే ఐఏఎస్ లు వస్తారు. అనంతరం దేశవ్యాప్తంగా ఉన్న ఐఏఎస్ లు, ఐపీఎస్ లు దీని పరిధిలోకి వస్తారు. ఆ తరువాత కేంద్రంలో పనిచేసే గ్రూప్ ఏ ఉద్యోగులు... అనంతరం రాష్ర్టాల్లో పనిచేసే ఐఏఎస్ లు అంతా దీని పరిధిలోకి వస్తారు.
ఈ టెక్నాలజీలో వేర్వేరు మాడ్యూళ్లలో ఉద్యోగులు, అవినీతి ఆరోపణలు ఎదుర్కొంటున్నవారు. విచారణ అధికారులు అంతా వస్తారు. ఇందులో ఏ పని ఎంత కాలంలో పూర్తి చేయాలి... ఆ సమయంలోగా పూర్తి చేస్తున్నారా.. చేయకపోతే ఎందుకు చేయలేదు... ఎక్కడ ఆగింది.. కారణమేంటి వంటివన్నీ రియల్ టైంలో మోనిటర్ అవుతాయి.