చైనాకు చెందిన ప్రముఖ స్మార్ట్‌ఫోన్‌ల కంపెనీ జియోనీ తన ఇ-సిరీస్ నుంచి మరో కొత్త స్మార్ట్‌ఫోన్‌ను మార్కెట్ కు పరిచయం చేస్తోంది. ‘ఇలైఫ్ ఇ8' పేరుతో ప్రపంచానికి పరిచయమైన ఈ ఫోన్ శక్తివంతమైన 64జీబి ఇంటర్నల్ మెమరీ, ఎన్ఎక్స్‌పీ స్మార్ట్ పీఏ ఆడియో చిప్, స్టీరియో స్పీకర్స్ విత్ డీటీఎస్ సపోర్ట్, ఫింగర్ - ఫ్రింట్ స్కానర్, జియోనీ వాలెట్ వంటి ప్రత్యేకతలను సొంతం చేసుకుంది. అంతేకాదు... 24 ఎంపీ కెమేరాతో డీఎస్ ఎల్ ఆర్ లకు కూడా సవాల్ విసురుతోందిది. భారత కరెన్సీ ప్రకారం ఈ ఫోన్ విలువ రూ.41,148 ఉండొచ్చు. జూలై 15 నుంచి ఈ ఫోన్ మార్కెట్లో లభ్యమవుతుంది.

    జియోనీ ఇలైఫ్ ఇ8  ఫీచర్లు ఇవీ...

• 6 అంగుళాల హైడెఫినిషన్ అమోల్డ్ డిస్‌ప్లే (రిసల్యూషన్ 2560 x 1440పిక్సల్స్)
• 2గిగాహెర్ట్జ్ ఆక్టా-కోర్ మీడియాటెక్ హీలియో ఎక్స్ 10 (ఎంటీ6795) ప్రాసెసర్
• పవర్ వీఆర్ జీ6200 గ్రాఫిక్ ప్రాసెసింగ్ యూనిట్
• 3జీబి ర్యామ్, 64జీబి ఇంటర్నల్ మెమరీ
• మైక్రోఎస్డీ కార్డ్‌స్లాట్ ద్వారా ఫోన్ మెమరీని 128జీబి వరకు విస్తరించుకునే అవకాశం
• ఫోన్ థిక్ నెస్ 9.6 మిల్లీ మీటర్లు, బరువు 207 గ్రాములు
• 24 మెగా పిక్సల్ వెనుక కెమెరా (డ్యుయల్ లోన్ ఎల్ఈడి ఫ్లాష్‌తో)
• 8 మెగా పిక్సల్ ఫ్రంట్ ఫేసింగ్ కెమెరా
• ఆండ్రాయిడ్ 5.1 లాలీపాప్ ఆపరేటింగ్ సిస్టం, అమిగో 3.1 యూజర్ ఇంటర్‌‍ఫేస్
• ఇంకా... ఫింగర్ ప్రింట్ సెన్సార్, డ్యుయల్ సిమ్, 4జీ ఎల్టీఈ కనెక్టువిటీ, వై-ఫై, బ్లూటూత్ 4.0, ఏ2డీపీ, జీపీఎస్, నియర్ ఫీల్డ్ కమ్యూనికేషన్ వంటి ప్రత్యేకతలతో ఇది అందరినీ ఆకర్షిస్తోంది.
• ఇన్ని ప్రత్యేకతలున్నా చప్పున చల్లారిపోయే బ్యాటరీ ఉంటే లాభముండదు కాబట్టి  3520 ఎమ్ఏహెచ్ బ్యాటరీతో ఆ విషయంలోనూ టాప్ లో ఉండే జాగ్రత్త పడ్డారు.